+7 (777) 001 44 99
Қазақша
Русский
English
Қазақша
Русский
English
Ауыл шаруашылығы министрі Ербол Қарашөкеев Қазақстанда қант бағасы тұрақты екенін айтты, - деп хабарлайды Tengrinews.kz тілшісі.
"Жалпы, әлем бойынша қант бағасы қымбаттады. Бірақ бізде тұрақты. Қант бір өңірлерде 400-ден, кейбір жерлерде 500 теңгеден сатылып жатыр. Бұл қанттың жеткізілуіне, биржалық бағаларға байланысты. Бізде 4 зауыт бар, оларды шикізатпен толық қамтамасыз еттік. Мамырда шамамен 32-35 мың тонна, маусымда шамамен 40-45 мың тонна өндіріс болады деп күтеміз. Өндірілген көлемдер ішкі тұтынуды қамтамасыз ету үшін жеткілікті", - деді министр Үкімет отырысында.
Ауыл шаруашылығы министрлігінің басшысы қант бағасы күрт қымбаттамайтынын айтты.
"Сондай-ақ, қант бағасы бөлшек сауда желілеріндегі бағаға байланысты. Жалпы, қант бағасы тұрақты. Бізде Қазақстанда өндірілетін қанттың шамамен 70 пайызы құрақ қантынан өндіріледі. Қант саласын дамыту бағдарламасын әзірлеудеміз. Жыл соңына дейін баға күрт қымбаттамайды", - деді Қарашөкеев.
Оның айтуынша, әлемде құрақ қантының бағасы төмендесе, баға да төмендеуі мүмкін.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Қолданушыларымызға ыңғайлы болуы үшін пікір авторларының орналасқан жерін автоматты түрде анықтау функциясын жасадық.
Введите свою почту и пароль
0:00