+7 (777) 001 44 99
Қазақша
Русский
English
ҚР премьер-министрінің орынбасары, сауда және интеграция министрі Бақыт Сұлтанов қант туралы мәлімдемесін түсіндірді, - деп хабарлайды Tengrinews.kz тілшісі.
"Ең алдымен, сөзді бұрмалап, дүрбелең тудырмауға шақырамын. Қантқа байланысты сұраққа нақты жауап берген болатынмын. Тағы да қайталап айтамын, логистиканың өзгеруіне байланысты кейбір базарда қант болмауы мүмкін, бірақ оның өзі көп уақытқа дейін емес. Жалпы алғанда, қант өндірісі, импорты және тұтыну теңгерімі бойынша елде қант тапшылығы жоқ", - деп түсіндірді министр.
Кеше министр Бақыт Сұлтанов Қазақстанда қант тапшылығы барын мойындаған еді. Министр қант тапшылығы Ресей Федерациясының қант экспортына салған тыйымына байланысты екенін айтты. Оның айтуынша, ЕЭК Кеңесінің 2022 жыл 15 сәуірдегі шешімі шеңберінде Қазақстан Республикасына 2022 жылғы 31 тамызға дейін 350 мың тонна көлемінде ақ қант пен шикі құрақ қантты бажсыз әкелу құқығы берілген.
Айта кетейік, Сауда және интеграция министрлігі елдегі қанттың орташа бағасын айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
