+7 (777) 001 44 99
Қазақша
Русский
English
Қазақша
Русский
English
Назарбаев "Нұрлы жол" атты жаңа экономикалық саясатты жария етті. Ол бұл туралы "Нұр Отан" партиясы саяси кеңесінің кеңейтілген отырысында мәлімдеді, - деп хабарлайды Tengrinews.kz.
"Бүгін, алдымызда тұрған сауалдарға жауап беріп жатып, мен Қазақстанның "Нұрлы жол" атты жаңа экономикалық саясаты туралы жария етемін. Халыққа 2015 жылға арнайтын Жолдауым осы турасында болады, оның циклға қарсы сипаты болады және біздің экономикамыздың құрылымдық реформасының жалғасуына бағытталады", - деді ол.
"Әлемдік тәжірибе көрсеткендей, дағдарыс жағдайында экономикалық саясаттың бағыты өзгереді, қолдауды экономиканың өсуіне ең көп мультипликативті әсер беретін салалар алуы тиіс. Мұндай тәжірибе бізде болып қойды, 2007-2009 жылдардағы дағдарысқа қарсы шараларды еске алсақ та жеткілікті. "Жол картасы" мен одан басқа да шаралар жұмыссыздықтың тез арада жоғарылауының алдын алды. Көріп отырғандарыңыздай, өмір біздің жоспарларымызға түзетулер енгізіп жатыр, біз бүгінгі реалияларға сәйкес, партия платформасын жаңа мазмұнмен толтыруымыз керек. Үкімет менің тапсырмаммен дамудың жаңа масштабтағы бағдарламасын жасап бітірді", - деді Президент.
