+7 (777) 001 44 99
Қазақша
Русский
English
Қазақстан Үкіметі отандық экспорттаушыларды қолдауға 35 миллиард теңге бөледі, - деп хабарлайды Tengrinews.kz тілшісі. Бұл туралы бүгін Астанада өткен брифинг барысында Қазақстанның Инвестициялар және даму министрі Әсет Исекешев мәлімдеді.
Ведомство басшысының мәлімдеуінше, Мемлекет басшысының тапсырмасымен экспорттаудың жаңа саясаты құрылды, онда Орталық Азия, Кавказ бен Иран жаңа нарығына экспортты қайта бағдарлау мәселелері қаралған. "Біз бұл елдерге экспортты дамытудың жаңа тәсілдері мен механизмін құрастырдық. Үкімет біздің экспорттаушылардың экпортын, экспорт алдындағы қаржыландыру мен лизингін қолдау үшін 35 миллиард теңге бөлуге шешім қабылдады. Алдын ала келіссөздер бізге қарағанда оңтүстікке қарай орналасқан бұл елдерде қаржыландыру үшін экспорттың әлеуетті көлемі 160 миллиард теңге екенін көрсетті. Біздің ендігі міндетіміз осыны экспорттық келісімшартқа айналдыру", - деді Инвестициялар және даму министрі брифинг барысында.
Әсет Исекешев әңгіменің қандай тауарлар туралы екенін түсіндіріп өтті: ауыл шаруашылығы техникасы, аккумуляторлар, құбырлар, сорғыштар, трансформаторлар, тыңайтқыштар мен азық-түлік. Министрдің мәлімдеуінше, қазақстандық өнімді ілгері бастыру үшін сауданың арнайы миссиялары ұйымдастырылады. Биыл ақпан-наурыз айларында Түрікменстан, Қырғызстан, Өзбекстан мен Моңғолияға сапар болады деп күтіліп отыр. "Біздің экспорттаушыларды қолдау үшін биыл өкілеттік - Новосібір мен Тегеранда инвестициялар агенттігі ашылады.", - деді Әсет Исекешев.
