+7 (777) 001 44 99
Қазақша
Русский
English
Қазақша
Русский
English
Ұлттық банк төрағасы Тимур Сүлейменов теңгенің құлдырау қаупін бағалады. Оның айтуынша, ұлттық валюта үшін мұндай қауіп жоқ, - деп хабарлайды Tengrinews.kz тілшісі.
"Ұлттық валютаның құлдырау қаупі жоқ. Өйткені құлдырау – бұл бір күнде валюта бағамының жарты есеге төмендеуі. Бізде соңғы екі аптада, мүмкін одан да көп уақыт ішінде 495-498 бағамы байқалды. Қазіргі 507-ге дейін төмендеді. Бұл 2 пайыз ғана, бұл құлдырау емес", – деп түсіндірді ол.
Ұлттық банк төрағасының орынбасары Әлия Молдабекова доллардың теңгеге қатысты нығаюына байланысты Бірыңғай жинақтаушы зейнетақы қорының (БЖЗҚ) кірістілігі артады деп күтетінін айтты.
"Біз арнайы түрде БЖЗҚ-дағы валюталық активтердің үлесін арттырдық, бұл кірістілікті қамтамасыз ету және әртараптандыру үшін жасалды. Тек теңгелік активтерде шоғырланбау үшін", – деп нақтылады Тимур Сүлейменов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
