2025 жылы Республика күніне орай қазақстандықтар қанша күн демалады?

Айжан Калиева Корреспондент

Фото ©️ Tengrinews.kz / Тұрар Қазанғапов

Қазан айында қазақстандықтарды Республика күні мерекесіне байланысты бір күн қосымша демалыс күтіп тұр. Tengrinews.kz тілшісі демалыс күндерін алдын ала жоспарлауға мүмкіндік беретін ыңғайлы күнтізбе ұсынады.

Қазан айында қазақстандықтарды Республика күні мерекесіне байланысты бір күн қосымша демалыс күтіп тұр. Tengrinews.kz тілшісі демалыс күндерін алдын ала жоспарлауға мүмкіндік беретін ыңғайлы күнтізбе ұсынады.

Республика күні – Қазақстандағы жыл сайын 25 қазанда аталып өтетін жалғыз ұлттық мереке. Ол 1990 жылы Мемлекеттік егемендік туралы Декларация қабылданғаннан кейін пайда болды. 2022 жылдан бері бұл күн ресми демалыс болып саналады.

2025 жылы Республика күніне орай демалыс тәртібі

Бес күндік жұмыс аптасы 2025 жылы 25 қазан сенбіге түседі. "Мерекелер туралы" заңға сәйкес, демалыс күні дүйсенбіге – 27 қазанға ауыстырылады. Осылайша, қазақстандықтар қатарынан үш күн демалады:

25 қазан (сенбі);
26 қазан (жексенбі);
27 қазан (дүйсенбі).
Қазан айында бес күндік жұмыс кестесінде 9 демалыс және 22 жұмыс күні болады.

Алты күндік жұмыс аптасы

Аптасына алты күн жұмыс істейтіндер үшін мерекелік демалыс біршама қысқа болады:

25 қазан (сенбі) — мерекелік демалыс;
26 қазан (жексенбі) — әдеттегі демалыс;
27 қазан (дүйсенбі) — жұмыс күні.

Осылайша, алты күндік кестемен жұмыс істейтіндер қазан айында бар болғаны 5 күн ғана демалады.

Республика күні ел бойынша концерттер, көрмелер, фестивальдер мен спорттық жарыстармен аталып өтеді. Қазандағы қосымша демалыс – отбасы мен достармен уақыт өткізуге, мәдени іс-шараларға қатысуға және мерекелік атмосфераны сезінуге тамаша мүмкіндік.

Қазандағы кәсіби мерекелер

Республика күнінен бөлек, қазан айында Қазақстанда мына кәсіби мерекелер атап өтіледі:

1 қазан – Жоғары білім беру қызметкерлері күні;
2 қазан – Техникалық және кәсіптік, орта білімнен кейінгі білім беру қызметкерлері күні;
5 қазан – Мұғалімдер күні;
6 қазан – Қорғаныс өнеркәсібі қызметкерлері күні;
10 қазан – Қазақстан кәсіподақтары күні;
14 қазан – Стандарттау қызметкерлері күні;
19 қазан – Құтқарушылар күні;
19 қазан (қазан айының үшінші жексенбісі) – Орман шаруашылығы қызметкерлері күні;
20 қазан – Қоғамдық тамақтану саласы қызметкерлері күні;
24 қазан – Кітапханашылар күні;
26 қазан (қазан айының соңғы жексенбісі) – Әлеуметтік қорғау, автомобиль көлігі және автожол саласы қызметкерлері күні;
29 қазан – Қорғау қызметі және Қазақстан кәсіпкерлері күні.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Қазан демалыс Республика күні