+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Сочиде 2014 жылғы қысқы Паралимпиада ойындары аяқталды. Қазақстан паралимпиадашылары шаңғы жарыстарында додаға түсіп, жігерлік танытып, тәжірибе жинақтап қайтты, деп хабарлайды Tengrinews.kz. Қазақстан паралимпиадашыларының бұған дейін қандай бәйгелерде жарыс жолына шыққандарын және ондағы көрсеткіштерін жазғанбыз. Енді соңғы күндердегі нәтижелеріне тоқталып өтпекпіз. Сенбі күні 4х2,5 шақырымдық ашық эстафета өткен. Оған біздің паралимпиадашыларымыздың үшеуі қатысты. Атап айтқанда, Жаңыл Балтабаева, Қайрат Канафин және Александр Колядин үшеуі сынға түсті. Жалпы, паралимпиадашылар арасындағы эстафетаға 2-3 спортшымен де қатыса беруге болады. Бізден де басқа бірнеше мемлекет бұл эстафетаға үш спортшыдан шығарды. Ал осы эстафетада қола жүлдеге ие болған Франция мен 6-орынға ие болған Польша тіпті екі спортшыдан ғана қосқан. Сонымен 10 елдің паралимпиадашылары қатысқан ашық эстафетада біздің құрама соңғы орынға табан тіреді. Бұл сында Ресей паралимпиадашылары топ жарып, Украина спортшылары күміспен күптелді. Кеше соңғы жарыстар өтіп, Қазақстан паралимпиадашыларының төртеуі тағы да өз бақтарын сынап көрді. Ерлер арасындағы 10 шақырымдық бәйгені (еркін әдіс, шаңғымен түрегеп жарысу) Ерлан Омаров соңғы, 38-орынмен аяқтады. Көзінен зақымданғандар арасындағы 10 шақырымдық бәйгеде (еркін әдіспен) Қайрат Қанафин екі спортшыдан жоғары орналасып, 17-орынды иеленді. Әйелдер арасындағы 5 шақырымдық бәйгеде (еркін әдіс, шаңғымен түрегеп жарысу) Елена Мазуренко да мәре сызығын ең соңынан қиды. 18-орын. Сондай-ақ әйелдер арасындағы 5 шақырымдық отырып жарысатын бәйгеде Жаңыл Балтабаева көмбеге соңынан жетіп, бұл сынды 23-орынмен түйіндеді. Сөйтіп, Украинадағы саяси жағдайдың көлеңкесінде қалып қойған 2014 жылғы қысқы Паралимпиада ойындары аяқталды. Бірақ мүгедек спортшылар додасы оған қарамай, бекітілген күнтізбесі мен бағдарламасы бойынша толық өтті. Қазақстан паралимпиадашылары жүлдеге ілікпесе де, бүкіләлемдік додада еліміздің көк байрағын желбіретіп қайтты. Ең бастысы, біздің ел де өркениетті мемлекетер секілді мүгедек спортшыларға жағдай жасап, оларға қолдау көрсетіп отырғанын паш ете алдық.
Сочиде 2014 жылғы қысқы Паралимпиада ойындары аяқталды. Қазақстан паралимпиадашылары шаңғы жарыстарында додаға түсіп, жігерлік танытып, тәжірибе жинақтап қайтты, деп хабарлайды Tengrinews.kz.
Қазақстан паралимпиадашыларының бұған дейін қандай бәйгелерде жарыс жолына шыққандарын және ондағы көрсеткіштерін жазғанбыз. Енді соңғы күндердегі нәтижелеріне тоқталып өтпекпіз.
Сенбі күні 4х2,5 шақырымдық ашық эстафета өткен. Оған біздің паралимпиадашыларымыздың үшеуі қатысты. Атап айтқанда, Жаңыл Балтабаева, Қайрат Канафин және Александр Колядин үшеуі сынға түсті.
Жалпы, паралимпиадашылар арасындағы эстафетаға 2-3 спортшымен де қатыса беруге болады. Бізден де басқа бірнеше мемлекет бұл эстафетаға үш спортшыдан шығарды. Ал осы эстафетада қола жүлдеге ие болған Франция мен 6-орынға ие болған Польша тіпті екі спортшыдан ғана қосқан.
Сонымен 10 елдің паралимпиадашылары қатысқан ашық эстафетада біздің құрама соңғы орынға табан тіреді. Бұл сында Ресей паралимпиадашылары топ жарып, Украина спортшылары күміспен күптелді.
Кеше соңғы жарыстар өтіп, Қазақстан паралимпиадашыларының төртеуі тағы да өз бақтарын сынап көрді. Ерлер арасындағы 10 шақырымдық бәйгені (еркін әдіс, шаңғымен түрегеп жарысу) Ерлан Омаров соңғы, 38-орынмен аяқтады.
Көзінен зақымданғандар арасындағы 10 шақырымдық бәйгеде (еркін әдіспен) Қайрат Қанафин екі спортшыдан жоғары орналасып, 17-орынды иеленді.
Әйелдер арасындағы 5 шақырымдық бәйгеде (еркін әдіс, шаңғымен түрегеп жарысу) Елена Мазуренко да мәре сызығын ең соңынан қиды. 18-орын.
Сондай-ақ әйелдер арасындағы 5 шақырымдық отырып жарысатын бәйгеде Жаңыл Балтабаева көмбеге соңынан жетіп, бұл сынды 23-орынмен түйіндеді.
Сөйтіп, Украинадағы саяси жағдайдың көлеңкесінде қалып қойған 2014 жылғы қысқы Паралимпиада ойындары аяқталды. Бірақ мүгедек спортшылар додасы оған қарамай, бекітілген күнтізбесі мен бағдарламасы бойынша толық өтті.
Қазақстан паралимпиадашылары жүлдеге ілікпесе де, бүкіләлемдік додада еліміздің көк байрағын желбіретіп қайтты. Ең бастысы, біздің ел де өркениетті мемлекетер секілді мүгедек спортшыларға жағдай жасап, оларға қолдау көрсетіп отырғанын паш ете алдық.
