+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Шайбалы хоккейден Астананың "Барысы" үшін биылғы маусым аяқталды. Гагарин кубогының ширек финалында Қазақстан клубы "Салават Юлаев" (Уфа) командасынан өте алмады. Жалпы есеп – 2:4, деп хабарлайды Tengrinews.kz.
Шайбалы хоккейден Астананың "Барысы" үшін биылғы маусым аяқталды. Гагарин кубогының ширек финалында Қазақстан клубы "Салават Юлаев" (Уфа) командасынан өте алмады. Жалпы есеп – 2:4, деп хабарлайды Tengrinews.kz.
Уфада өткен алтыншы кездесуде "Барыс" 2:3 есебімен ұтылып қалып, Гагарин кубогынан тыс қалды. Екі кезең бойы (40 минут) дес бермей, айдын иелерімен тайталасты-ақ. Бірақ үшінші кезеңде екі рет өрескел қателік жіберіп алып, жаза басты. Ойын соңында есепті қысқартқандарымен, таразы басын теңестіре алмады.
Сөйтіп, Құрлықтық хоккей лигасы аясындағы Гагарин кубогының жартылай финалына Башқұртстан клубы шықты. Олар келесі кезеңде «Металлург» (Магнитогорск) клубымен кездеседі.
Негізі, "Барыстың" плей-офф додасының екінші сатысынан да өте алатын әлеуеті жеткілікті еді. "Салават Юлаев" – Қазақстан клубымен деңгейі шамалас ұжым. Бірақ «Барыстың» бағы жанбады. Оның бірнеше себептері бар. Алдағы уақытта біз оған егжей-тегжей тоқталамыз.
Енді "Барыс" хоккейшілері дем алады. Десек те, "Барыс" сапындағы Қазақстан ұлттық құрамасының ойыншылары екі аптадан кейін жиналып, әлем чемпионатына дайындалады.
/2/ "Барыс" (Астана) – /4/ "Салават Юлаев" (Уфа) – 2:4 (2:3 ОТ, 5:2, 2:5, 2:3 ОТ, 2:1, 2:3)
