+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жаңа Қылмыстық кодекс жобасында заңсыз археологиялық қызмет үшін жаза күшейтіледі деп хабарлайды Tengrinews.kz тілшісі заң жобасы жөніндегі жұмыс тобының жетекшісі, Парламент Мәжілісінің депутаты Нұрлан Әбдіровке сілтеме жасап.
Жаңа Қылмыстық кодекс жобасында заңсыз археологиялық қызмет үшін жаза күшейтіледі деп хабарлайды Tengrinews.kz тілшісі заң жобасы жөніндегі жұмыс тобының жетекшісі, Парламент Мәжілісінің депутаты Нұрлан Әбдіровке сілтеме жасап.
Жобаны екінші оқылымға әзірлеу жөніндегі отырыс барысында археологиялық жұмыстарды заңсыз жүргізуге қылмыстық жауапкершілік енгізіледі. "Табылуы тиіс ең үлкен артефактілердің әлі де жер астында жатқаны ешкімге құпия емес, бұл - археологиялық жұмыстардың саласы және оларды қорғау керек, өйткені ол - біздің мұрамыз. Тарих ескерткіштерін қорғау ісінде ұлттық мүддені қорғаудың, жабайы археологтардың коммерциялық қызметіне жол бермеудің айрықша маңызын ескере отырып, Қылмыстық кодекс жобасына осындай норма енгізу ұсынылып отыр", - деді Әбдіров.
Дегенмен ол заң жобасында тек ерекше тарихи, ғылыми, көркем немесе мәдени құндылығы бар заттар мен құжаттарды жымқыру әрекеті үшін ғана қылмыстық жауапкершілік қарастырылатынын атап өтті, ол - 193-бап.
Әбдіровтің айтуынша, Ресейдің, Украина мен басқа да бірқатар елдердің Қылмыстық кодекстері археологиялық заттарды заңсыз іздеу мен жатқан жерінен тәркілеу әрекеттері үшін қылмыстық жауапкершілік қарастырады.
"Тарихи-мәдени мұра нысандарын күзету және қолдану туралы заңның 40-бабына сәйкес, археология ескерткіштерінде қазба және барлау жүргізу тек қана лицензия болған кезде рұқсат беріледі, бұл ескерткіштерді қорғауға және "қара археологтармен" күресуге мүмкіндік береді. Әкімшілік кодекстің 357-1 және 130-баптары лицензиясыз қызмет етуге, тарих пен мәдениет ескерткіштеріне қауіп төндіретін жобалық, зерттеушілік және басқа да жұмыстарды өндіруге жауапкершілік қарастырады.
