+7 (777) 001 44 99
Қазақша
Русский
English
Өткен жылы Қазақстанда азаптап, жәбір көрсеткені үшін 39 полицей сотталды деп хабарлайды Tengrinews.kz тілшісі ҚР Бас прокуратурасының баспасөз қызметіне сілтеме жасап.
Ресми мәліметке сәйкес, 2011-2013 жылдары азаптап, жәбір көрсеткені үшін 105 адам сотталған болатын. Соттар ондай адамдарды, көбінесе, бас бостандығынан айыру жазасына кесті. "Өткен жылы сотталғандардың басым бөлігін полицейлер (39 адам) мен қылмыстық-атқару жүйесінің қызметкерлері (13 адам) құрады", - делінген баспасөз хабарламасында.
Ал талдау нәтижесі көрсетіп отырғандай, полицейлер арасында ондай қылмысқа, көп жағдайда, жедел уәкілдер және учаскелік инспекторлар барған. Қылмыстық-атқару жүйесінің қызметкерлері болса, түрмеде отырған азаматтарға жиі жәбір көрсеткен.
