+7 (777) 001 44 99
Қазақша
Русский
English
Қазақша
Русский
English
Елордалық полиция қызметкерлері халықтан атыс құралдарын сатып алудың кезекті акциясын өткізеді, - деп хабарлайды Тengrinews.kz тілшісі Астана қаласы ішкі істер департаментінің баспасөз қызметіне сілтеме жасап.
"2014 жылғы 21 сәуірден бастап халықтан заңсыз сақталған атыс, қару-жарақ және жарылғыш құралдарын сатып алудың кезекті акциясы өткізіледі. Ерікті түрде өткізілетін қару-жарақ құралдарының түріне байланысты мемлекеттен 10-нан 100 айлық есептік көрсеткішке дейін әр қаруға ақшалай төлем қарастырылған", - делінген хабарламада. Биыл бір айлық есептік көрсеткіш көлемі 1852 теңге екенін еске саламыз.
Баспасөз қызметінің хабарлауынша, тіркелмеген атыс құралдарын, қару-жарақ пен жарылғыш заттарды ерікті түрде өткізген тұлғалар қылмыстық және әкімшілік жауапкершілікке тартылмайды. Хабарламада бұл мәселеге байланысты ақпарат алуға болатын байланыс телефондары көрсетілген: Астана қ. ІІД – 716-018, 716-170, 716-366 аумақтық "Алматы" ауданы ІІБ - 716-737, "Сарыарқа" ауданы ІІБ- 716-646, "Есіл" ауданы ІІБ - 716-561 Заңсыз сақталған атыс құралдарын, қару-жарақ және жарылғыш заттарды сатып алу туралы ақпарат департаменттің сайты - ast.dvd.mvd.kz-те жарияланған.
