+7 (777) 001 44 99
Қазақша
Русский
English
Астанада 2014 жылғы 19 сәуірде өтетін жалпы қалалық сенбілікке 93 мың қала тұрғыны қатысады. Сенбілік барысында 3 мыңнан астам ағаш отырғызу көзделген, деп хабарлайды Tengrinews.kz Астана әкімі аппаратының баспасөз қызметіне сілтеме жасап.
"Аудан әкімдіктерінің өтініштері бойынша 3,1 мың көшет дайындалды, 120 жуық тиегіш пен 340 жүк көлігі тартылмақ, барлығы 460 астам машина және басқа да мамандандырылған техника лас орындарды жинап, көлемі 2,0-2,5 мың тоннаны құрайтын қоқысты шығарады", - делінген хабарламада.
Бұл күні жалпы ауданы 491,4 га парк пен гүлбақ жиналып, 220 гүлзәр тазартылады. Сенбілікке 8,5 мың кәсіпорын, ұйым мен мекеме, соның ішінде оқушылар, студенттер, мемлекеттік мекемелердің өкілдері, министрліктер мен агенттіктердің қызметкерлері, еңбек ардагерлері мен қоғамдық бірлестіктердің, шағын және орта бизнес өкілдері қатысады.
Бұдан бұрын Алматыдағы жалпы қалалық сенбілікке 130 мың қала тұрғыны қатысқаны хабарланған болатын.
