04 мамыр 2014 | 16:31

Қазақстан "еуразиялық бірыңғай аспан" тұжырымдамасын қолдамады

viewings icon comments icon

ПОДЕЛИТЬСЯ

whatsapp button telegram button facebook button

Еуразиялық экономикалық одақ туралы шарт жобасынан "еуразиялық бірыңғай аспан" туралы норма алып тасталды, - деп хабарлайды Tengrinews.kz.

whatsapp button telegram button facebook button copyLink button
Иконка комментария блок соц сети

Еуразиялық экономикалық одақ туралы шарт жобасынан "еуразиялық бірыңғай аспан" туралы норма алып тасталды, - деп хабарлайды Tengrinews.kz.

ҚР Премьер-министрі Кәрім Мәсімовтің Мәжіліс депутаты Асхат Бекеновтің сауалына қайтарған жауабында қазақстандық тараптың жүргізілген келіссөздер шеңберінде Еуразиялық бірыңғай аспан жобасының пайдасыздығын дәлелдегені айтылады. "Жүргізілген жұмыстардың нәтижесінде Еуразиялық экономикалық одақ туралы шарт жобасынан аталған нормалар алынды", - делінген хатта.

Қазіргі уақытта жобаның "Әуе көлігі" бөлімі екіжақты үкіметаралық келісімдерді дамыту мен жетілдіруді қарастыратын нұсқада келісілген. "Шарт жобасында бизнес-қауымдастықтар мүдделері теңестірілген, көлік қызметтерін ырықтандырудың бірыңғай қағидалары қарастырылған, оны іске асыру кезеңдері жеке халықаралық келісімшарттармен келісіледі", - дейді Кәрім Мәсімов.

Еске салайық, сәуір айында депутат Асхат Бекенов Үкімет басшысына сауал жолдап, еуразиялық ашық аспанды қалыптастыру идеясы мен әуе кеңістігін ырықтандыруға қатысты алаңдаушылық білдірген болатын. 

Депутат мынадай цифрларды келтірді: қазақстандық ірі әуетасымалдаушы "Эйр Астананың" әуе флоты 28 әуе кемесінен тұрады, SCAT компаниясында 20 әуе кемесі бар, ал ресейлік екі ірі әуе компаниясының флоттары 137 және 101 әуе кемесінен тұрады ("Аэрофлот" және "Трансаэро").

"Барлық кедергілерді жойғанның өзінде "еуразиялық бірыңғай аспанды" құру қазақстандық авиацияның дамуына кері әсерін тигізеді", - деген болатын Бекенов. Оның айтуынша, бүгінде Қазақстанның әуе көлігі өзге қатысушы мемлекеттермен тең бәсекелестік жағдайында емес.

"Қазақстандық әуе тасымалдаушыларға әуежайлардың қызметі шетелдіктермен тең жағдайда көрсетіледі, қандай да бір жеңілдіктер жасалмайды. Біздің әуе компаниялары елімізде де, басқа елдерде де ешқандай әуежайда артықшылықтарды пайдаланбайды. Ал Ресейде өз әуежайларында ұлттық тасымалдаушыларға төмендетілген тарифтермен қызмет көрсету жолымен жанама субсидиялау қарастырылған", - деді ол.

Бекеновтің айтуынша, Қазақстан мен Ресейдің азаматтық авиация инфрақұрылымдарының түрліше дамуы себепті Еуразиялық экономикалық кеңістіктің көлік саясаты тұжырымдамасы ресейлік әуе көлігі өкілдерінің мүддесіне жауап беретін болады. "Аэрофлот" әуе компаниясы келген жағдайда бәсекелестік нарығында оның артықшылығы болады да, қазақстандық тасымалдаушылардың жағдайы нашарлауы мүмкін.

Читайте также
Join Telegram Последние новости
Мұнай бағасы төмендеп жатыр
Талғарға жаңа әкім сайланды
Лого TengriNews мобильная Лого TengriSport мобильная Лого TengriLife мобильная Лого TengriAuto мобильная Иконка меню мобильная
Иконка закрытия мобильного меню
Открыть TengriNews Открыть TengriLife Открыть TengriSport Открыть TengriTravel Открыть TengriGuide Открыть TengriEdu Открыть TengriAuto

Валюта бағамы

 523.95  course up  543.16  course up  5.1  course up

 

Ауа райы

 

Редакция Жарнама
Социальные сети
Иконка Instagram footer Иконка Telegram footer Иконка Vkontakte footer Иконка Facebook footer Иконка Twitter footer Иконка Youtube footer Иконка TikTok footer Иконка WhatsApp footer