![russianguns.ru сайтынан](/userdata/news_kk/2014/news_254123/thumb_b/photo_5278.jpg)
Шымкентте граната салынған сөмке табылды, деп хабарлайды Tengrinews.kz Оңтүстік Қазақстан облысы ІІД баспасөз қызметіне сілтеме жасай отырып.
Шымкентте граната салынған сөмке табылды, деп хабарлайды Tengrinews.kz Оңтүстік Қазақстан облысы ІІД баспасөз қызметіне сілтеме жасай отырып.
"19 мамыр күні Шымкенттегі Ішкі істер басқармасына қарасты Абай жедел патрульдік кезекші бөліміне Байдұқов көшесіндегі үйлерідің бірінен граната салынған сөмке табылғандығы туралы ақпарат түсті. Осы жерге жедел жеткен полиция қызметкерлері анықтағандай, үйде құрылыс жұмыстарын жүргізіп жатқан құрылысшылардың бірі - 21 жастағы жас жігіт үйдің шатырынан граната салынған сөмке тауып алған", - делінген хабарламада.
Граната табылған үйді бірден полиция қызметкерлері қоршап алды. Сөмкеде Ф-1 маркалы екі граната, 16 калибрлі патронның гильзалары және тапаншаның қабы табылған. "Жүргізілген сараптама нәтижесі көрсеткендей табылған граната оқу-жаттығуға арналған болып шықты. Қазіргі кезде полиция қызметкерлері осы гранаталар мен басқа да заттардың кімге тиесілі екенін анықтауда, тергеу жүріп жатыр", - дейді департамент қызметкерлері.