22 мамыр 2014 | 20:57

Ата-анасы сәбиін машинаға байланған парапланмен ұшырды

YouTube-тағы видеодан кадр

Ғаламторда ата-анасы 11 айлық сәбиін машинаға тіркелген парапланға байлап ұшырған бейнежазба пайда болды. Автокөлік қозғалған кезде кішкене бала жалғыз өзі биікке көтеріледі, - деп хабарлайды Tengrinews.kz "Вести.Ru"-ға сілтеме жасай отырып.

Ғаламторда ата-анасы 11 айлық сәбиін машинаға тіркелген парапланға байлап ұшырған бейнежазба пайда болды. Автокөлік қозғалған кезде кішкене бала жалғыз өзі биікке көтеріледі, - деп хабарлайды Tengrinews.kz "Вести.Ru"-ға сілтеме жасай отырып.

Кадрлардан парапланға байланған бала өзін жайсыз сезінгені анық көрінеді. Ол қатты жылап, парапланнан босағысы келді, алайда ата-анасы бұған назар аудармады. Бейнежазбадан баланың бірнеше метр биікке көтерілгені анық көрінеді. Алайда көп ұзамай ол жерге оралды, бірақ жылауын тоқтатпады.

Осы бейнежазба ғаламторға салынғанда 1 тәулікке жетпей 26 мың адам көрген. YouTube қолданушылары баланың ата-анасын тас жүрек, қаныпезер деп есептейді. Бұл бейнежазбаның қайда түсірілгені белгісіз.