![Дженнифер Лопес, Pitbull және Клаудиа Лейтте. kiss925.com сайтынан](/userdata/news_kk/2014/news_254646/thumb_b/photo_5990.jpg)
Америкалық атақты әнші Дженнифер Лопес Бразилиядағы футболдан әлем чемпионатының 12 маусымдағы ашылу салтанатына қатысады, деп хабарлайды Tengrinews.kz РИА Новостиге сілтеме жасай отырып.
Америкалық атақты әнші Дженнифер Лопес Бразилиядағы футболдан әлем чемпионатының 12 маусымдағы ашылу салтанатына қатысады, деп хабарлайды Tengrinews.kz РИА Новостиге сілтеме жасай отырып.
Дженнифер өз табынушыларының және футбол жанкүйерлерінің көңілін қалдырғысы келмегендіктен Әлем Чемпионатының ашылу салтанатына қатысатынын айтты. Ол бұрыннан Әлем чемпионатына қатысуды армандаған көрінеді. Ал бұған дейін әнші ӘЧ ашылу салтанатына қатысудан бас тартты деген сыбыстар тараған болатын. Алайда бұл ақпарат расталмады.
Дженнифер Лопес, рэпер Pitbull және бразилиялық әнші Клаудиа Лейттемен бірге турнирдің ресми әнұранын арнайы жаздырды. Композицияның атауы We are one. Бұған дейін Дженнифер продюсерлікке қатысты мәселелерге орай ӘЧ-2014 ашылу салтанатына келе алмайтыны айтылған еді.
ӘЧ-2014 ашылу салтанаты 25 минутқа созылады. Оған 600-дей артист, гимнаст, акробат, капоэйрлар қатысады. Дженнифер Лопес, Pitbull және Клаудиа Лейттенің орындауындағы We are one әнімен ӘЧ-2014 ашылу салтанаты аяқталады.