+7 (777) 001 44 99
Қазақша
Русский
English
Қазақстан Президенті Нұрсұлтан Назарбаев ҚР Қорғаныс министрі Серік Ахметовті қабылдады, - деп хабарлайды Тengrinews.kz тілшісі Ақорданың ресми сайтына сілтеме жасап.
Кездесу барысында Президент министрліктің басым бағыты қорғаныс жүйесін дамыту, Қарулы күштерді қажетті жауынгерлік арсеналдармен қамтамасыз ету, әскердің ұрысқа дайындығын тексеру және әскери доктрина мәселелерін шешу екенін атап өтті.
Серік Ахметов Мемлекет басшысына министрліктің ағымдағы қызметі туралы баяндап, Қарулы күштердің ұрысқа дайындығын жоғары деңгейде ұстап тұру жөніндегі жүйелі жұмыстардың жалғасатынын айтты.
Қорғаныс министрі Қазақстан әскерін одан әрі кәсібилендіру, қазіргі заманғы қару-жарақпен жабдықтау, қорғаныс-өнеркәсіп кешенін дамыту жөніндегі шаралар туралы да хабардар етті.
Сонымен бірге, Ахметов Президентке жуырда Мәскеуде өткен ҰҚШҰ елдері қорғаныс министрлері кеңесі отырысының қорытындысы туралы да әңгімелеп берді. Кездесу соңында Елбасы министрге бірқатар нақты тапсырма жүктеді.
