![topwar.ru сайтынан](/userdata/news_kk/2014/news_254863/thumb_b/photo_6252.jpg)
Славянск төңірегіне тағы артиллериялық соққы жасалды, деп хабарлайды Tengrinews.kz "Военное обозрение" порталына сілтеме жасай отырып.
Славянск төңірегіне тағы артиллериялық соққы жасалды, деп хабарлайды Tengrinews.kz "Военное обозрение" порталына сілтеме жасай отырып.
Украинаның президенті Петр Порошенконың уақытша бітімге келуге, оқ атуды тоқтатуға қатысты бұйрығына қарамастан, Славянскіге артиллериялық соққы жасалды.
"Шамамен түн ортасында қаланың шыға берісіндегі Артема ауданына соққы жасалды. бұл мемлекеттік әскери күштер мен ополченецтердің қақтығысатын дәстүрлі орнына айналған" делінген хабарламада. Бұған дейін жергілікті тұрғындар, ополчен өкілдері Славянск шетінде орналасқан Семеновка ауылын бомбамен атқылағаны туралы хабарлаған болатын.
Естеріңізге сала кетейік, Украина президенті Петр Порошенко Украианың шығысында барлық қақтығыстарды уақытша тоқтатуға бұйрық берген болатын. Ол Украинадағы әскери әрекеттер 20-27 маусым аралығында бір аптаға тоқтатылады деген еді.
Украинаның ІІМ мәлімдеуінше Порошенко өзінің бұл бұйрығымен ополчендіктердің қарулы қақтығысын тоқтатуды, қаруларын тастатуды жоспарлап отыр. Қаруын тастамағандар жазаға тартылады. Оның айтуынша бітім кезінде ополчендер тарапынан оқ атылса, оған қарсы қарулы күш қолданылуы мүмкін.
Осы орайда Донецк халық республикасы Украина билігінің бітім туралы айтқан сөзіне сенім білдіріп отыр.