+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Малайзияда Malaysia Airlines әуе компаниясының Boeing ұшағының апатқа ұшырауына байланысты қаралы күн жарияланды, деп хабарлайды баспасөз құралдары.
Малайзияда Malaysia Airlines әуе компаниясының Boeing ұшағының апатқа ұшырауына байланысты қаралы күн жарияланды, деп хабарлайды баспасөз құралдары.
Малайзияның барлық мемлекеттік тулары сенбіден дүйсенбіге дейін төмен түсіріледі. Елдің премьер-минситрі Наджиб Тун Разак осындай бұйрық берді. Сондай-ақ ол парламентті жедел түрде осы апатты талқылау үшін кезектен тыс отырыс жасауға шақырды. Парламенттің кезектен тыс отырысы келесі аптада 23 шілдеде болады деп күтілуде.
Малайзиядағы әкімшілік ғимараттарға, сауда орталықтарының, метро станцияларының сыртына қаза тапқандардың туыстарына көңіл айтулар ілінді. Сондай-ақ барлық ойын-сауық шаралары кейінге шегерілді, Google өзінің малайзиялық сайтында қаза тапқандардың рухына арнап шам жақты.
Малайзия премьері әлемдегі мұсылмандарға, олардың қандай саяси көзқараста екеніне қарамастан барлығына қаза тапқандардың рухы үшін жалбарынуды өтінді. Естеріңізге сала кетейік, Google Украинаның маңында қағып түсірілген болатын. Ұшақ бортындағы барлық жолаушылар қаза тапты.
Олардың арасында "Қашағанның" бұрынғы қызметкері отбасымен болған.
Бүгінде тергеу жұмыстар жүріп жатыр. Тиісті органдар кім қандай мақсатпен жолаушылар ұшағын атқанын анықтауға тырысуда. Айта кету керек, қазақстандық әуе компаниясының ұшақтары да уақытша Украинаның үстімен ұшуды тоқтатты. "Эйр Астана" компаниясы басшылығы Ресей авиациялық билігі рұқсат бергеннен кейін ғана Украина маңынан ұшуға болатынын айтты.
