31 шілде 2014 | 17:52

Қазақстандық елшінің ұрланған құжаттары қайтарылды

Бекжасар Нарбаев. ©Тengrinews.kz

Қазақстандық елші Бекжасар Нарбаевқа ұрланған құжаттары қайтарылды, - деп хабарлайды Tengrinews.kz тілшісі ҚР Сыртқы істер министрлігінің баспасөз қызметіне сілтеме жасап.

Қазақстандық елші Бекжасар Нарбаевқа ұрланған құжаттары қайтарылды, - деп хабарлайды Tengrinews.kz тілшісі ҚР Сыртқы істер министрлігінің баспасөз қызметіне сілтеме жасап.

Министрлік мамандарының айтуынша, 31 шілде күні ұрылар Төтенше және Өкілетті елші Нарбаевтың құжат салынған барсеткасын және фотоаппараттарын қайтарды.

Еске сала кетейік, мұның алдында 30 шілде күні Санкт-Петербургтегі отельдердің бірінде Бекжасар Нарбаевтың тоналғаны хабарланған болатын. Ресейлік ақпарат құралдарының хабарлауынша, кездесуге әзірленіп жатқан елшінің көзін ала бере ұрылар оның маңызды құжаттар, дипломатиялық төлқұжат, екі фотоаппарат пен ақша салынған сөмкесін алып кеткен.

Елші Санкт-Петербургте жеке сапармен жүрген. Бұл дерек бойынша қылмыстық іс қозғалған.

Санкт-Петербург Ресей Құқық қорғау органдары Тонау

TENGRI travel