![©tengrinews.kz](/userdata/news_kk/2014/news_255802/thumb_b/photo_7425.jpg)
Қазақстанда EXPO-2017 халықаралық мамандандырылған көрмесінің нышанына дауыс беру басталды, - деп хабарлайды Тengrinews.kz тілшісі "Астана ЭКСПО-2017" АҚ маркетинг және жұртшылықпен байланыс жөніндегі департаментіне сілтеме жасап. Дауыс беру тамыздың 18-іне дейін жалғасады.
Қазақстанда EXPO-2017 халықаралық мамандандырылған көрмесінің нышанына дауыс беру басталды, - деп хабарлайды Тengrinews.kz тілшісі "Астана ЭКСПО-2017" АҚ маркетинг және жұртшылықпен байланыс жөніндегі департаментіне сілтеме жасап. Дауыс беру тамыздың 18-іне дейін жалғасады.
Көрменің үздік маскот дизайны бойынша халықаралық байқаудың іріктеу кезеңдері мамыр мен маусы айлары аралығында өткен болатын. Ұсынылған 80-нен астам жобаның арасында Бразилия, Мексика, Венесуэла, Португалия, АҚШ, Германия, Швейцария, Ұлыбритания, Испания секілді мемлекеттер дизайнерлерінің үлгілері бар. Талап бойынша, жоба "Болашақ энергиясы" тақырыбына сәйкес келуі тиіс. Нышан үлгісінде қазақ елі мәдениетінің ерекшеліктері де ескерілуі керек.
Қазір бірінші кезеңнің қорытындысы бойынша байқау комиссиясы жеті қатысушының жұмысын іріктеп алып отыр. Олардың қатарында Қазақстан мен Украинаның жарнама агенттіктері мен жеке дизайнерлері жолдаған жобалар бар.
"Байқау шарттарына сай жеңімпаздар дауыс беру арқылы анықталып, көп дауыс жинаған үшеудің бірі таңдалады. Ал дауыс беру қортындысы қыркүйек айының 19-ында жарияланады. Жеңімпазға марапатпен қатар, көрме маскотының брендбугын жасау туралы келісімшартқа қол қою ұсынылады", - дейді "Астана ЭКСПО-2017" АҚ маркетинг және жұртшылықпен байланыс жөніндегі департамент директоры Әсел Қожақова.
Сондай-ақ, көрме маскотына www.expo2017mascot.kz сайтында дауыс беруге болады.