![Павлодар 3-жылу электр орталығы. ©pavlodarenergo.kz](/userdata/news_kk/2014/news_255814/thumb_b/photo_7437.jpg)
Павлодарда жылу электр орталығында апат болып, қаланың көп бөлігі жарықсыз қалды, - деп хабарлайды Tengrinews.kz тілшісі. Оқиға бүгін сағат 17.00-де болды. Апат салдарынан Павлодар жылу электр орталығының жұмысы тоқтатылды.
Павлодарда жылу электр орталығында апат болып, қаланың көп бөлігі жарықсыз қалды, - деп хабарлайды Tengrinews.kz тілшісі. Оқиға бүгін сағат 17.00-де болды. Апат салдарынан Павлодар жылу электр орталығының жұмысы тоқтатылды.
Жылу электр орталығындағы апат кезінде станцияның 1989 жылы туған жұмысшысы зардап шеккен. Оның денесінің біраз бөлігі күйін қалды. "№2 қазандықтың негізгі бу өткізу құбыры атылды. Зақымдануды тоқтату үшін барлық қазандық пен турбина сөндіріліп, артық қысым атмосфераға шығарылды. Қалпына келтіру жұмыстары жүріп жатыр", - деп түсінік берді "Павлодарэнерго" ЖШС баспасөз қызметінің жетекшісі Асқар Шөмшеков.
Оқиға болған станция - қаланы электрмен қамтамасыз ететін негізгі қуат орталығы. "Қазір тұтынушыларды қосымша қуат көздеріне қосу мәселесі шешіліп жатыр", - деді Шөмшеков. Еске сала кетейік, Павлодардағы жылу электр орталығында былтыр қазан айында да апат болған еді. Ол кезде 2-жылу электр орталығы өртенген болатын. Кейін оқиғаға қызметкерлердің қателігі себеп болғаны айтылды. Тілсіз жауды өртке қарсы қызметтің бес тобы сөндірді.