![©Tolegen Shaikov](/userdata/news_kk/2014/news_256339/thumb_b/photo_8133.jpg)
Орал қаласының тұрғыны Төлеген Шайықов өзінің Facebook-тегі парағына қалқандармен қоршалған аялдаманың видеосын орналастырды, - деп хабарлайды Tengrinews.kz тілшісі.
Орал қаласының тұрғыны Төлеген Шайықов өзінің Facebook-тегі парағына қалқандармен қоршалған аялдаманың видеосын орналастырды, - деп хабарлайды Tengrinews.kz тілшісі.
Некрасов көшесіндегі бұл аялдама "Салық комитеті" деп аталады. Әлеуметтік желі қолданушысының сөзіне қарағанда, бірнеше апта бұрын аялдама қалқандармен қоршалды. Енді қоғамдық көлікке отырмақ болған жолаушылар айналып өтуге немесе қоршаудан секіруге мәжбүр. "Қытымыр" аялдама, әсіресе баласы бар әйелдер мен зейнеткерлерге қолайсыздық туғызып отыр.
Шайықов өз видеосын "Оралдың ең қытымыр аялдамасы" деп атаған. Айта кету керек, Оралдың негізгі қоғамдық көлік бағыттары дәл осы аялдамаға тоқтап өтеді.