Австралиялық боксшы Дэниэл Гил WBA (Super) және IBO тұжырымы бойынша орта салмақтағы Әлем чемпионы Геннадий Головкинмен қарымта жекпе-жек өткізгісі келетінін айтты, - деп хабарлайды Аllboxing.ru
Австралиялық боксшы Дэниэл Гил WBA (Super) және IBO тұжырымы бойынша орта салмақтағы Әлем чемпионы Геннадий Головкинмен қарымта жекпе-жек өткізгісі келетінін айтты, - деп хабарлайды Аllboxing.ru
"Головкинмен жуырда өткен жекпе-жек кезінде барлығы ойдағыдай болмады. Командам менің қаншалықты жақсы жұдырықтаса алатынымды біледі. Егер маған Головкин қарымта жекпе-жек ұсынса, онда мен қуана келісер едім. Егер ұсынбаса, біз ол келісім беру үшін барлығын істеуге тырысамыз", - дейді Гил.
Еске салайық, Геннадий Головкин мен Дэниэл Гил 27 шілде күні Нью-Йорк қаласының "Madison Square Garden" аренасында кездескен. Қазақстандық боксшы австралиялық былғары қолғап шеберін кездесудің үшінші раундында нокаутқа түсіріп, жеңіске жеткен еді. Головкин 18 қазанда Карсон қаласындағы (Лос-Анджелес, Калифорния штаты) StubHub Center аренасында WBC уақытша чемпионы - мексикалық Марко Антонио Рубиомен өзінің кезекті кездесуін өткізеді. Ол HBO телеарнасынан тікелей көрсетіледі. Бұл жекпе-жек 32 жастағы Геннадий Головкиннің 2014 жылғы үшінші және кәсіби шаршы алаңдағы 31-кездесуі болмақ.
Айта кетейік, бұл жекпе-жекте екі боксшы орта салмақтағы чемпиондық атақтарды біріктіру үшін жұдырықтасады. Ал кездесудің жеңімпазы WBC тұжырымының толыққанды чемпионы Мигель Коттомен жекпе-жек өткізуге мүмкіндік алады.
