![©Tengrinews.kz](/userdata/news_kk/2014/news_256398/thumb_b/photo_8201.jpg)
Нұрсұлтан Назарбаев Парламент депутаттарының каникулын қысқартуды ұсынды, - деп хабарлайды Tengrinews.kz тілшісі.
Нұрсұлтан Назарбаев Парламент депутаттарының каникулын қысқартуды ұсынды, - деп хабарлайды Tengrinews.kz тілшісі.
Парламенттің жаңа сессиясының ашылуы кезінде Мемлекет басшысы депутаттарға "шағын өтініші" бар екенін айтты.
"Әлем парламенттеріндегі сияқты депутаттардың жазғы және жыл бойындағы каникулдарының уақытын қысқартуды қарастыру керек", - деді Назарбаев. Мәжіліс және Сенат депутаттары бұл ұсынысқа ду қол шапалақтады.
"Нұр Отан" фракциясы сіздермен бірге бұл мәселені қарайтын болады, мұны өздеріңіз шешесіздер, бұл мәселенің өз араларыңызда бірнеше рет талқыланғанын білесіздер, маған да ұсыныс айтылды. Мұндай шешім депутаттық корпусқа үйлесімді әрі халық игілігі үшін барлық мемлекеттік органмен бірыңғай ырғақта жұмыс істеуге мүмкіндік берер еді", - деді Президент.
"Бүгінде біздің алдымызда күрделі міндеттер тұр, біз шешім қабылдаудан кеш қалмауымыз қажет, келеңсіздіктер өкшемізді басып келеді, біз оны сезініп тұрмыз, уақыт аз, әрекеттерімізді ыждағаттауға тура келеді", - деді Мемлекет басшысы.