+7 (777) 001 44 99
Қазақша
Русский
English
Қыркүйектің 6-8-і күндері Қазақстанда ауа райы әртүрлі болады, - деп хабарлайды Tengrinews.kz "Қазгидромет" РМК-ға сілтеме жасап.
"Салқын циклон жақын күндері еліміздің солтүстік және солтүстік-батыс аймақтарына өз ықпалын жүргізбей қоймайды. Соның салдарынан жауын жауып, жел күшейеді деп күтілуде. 8 қыркүйекте күндіз +12-17 градусқа дейін төмендесе, кей өңірде +20 градус шамасында болады", - деп көрсетілген аталған хабарламада.
Метеорологтардың мәліметіне қарағанда, салқын ауа райы республикамыздың шығысы мен орталығына 9 қыркүйекте жетеді. Ал сол күндері Қазақстанның батысы, оңтүстік батысы, оңтүстігі мен оңтүстік шығысында ауа райы жылы болады. Бұл аймақтарда күндізгі ауа температурасы 25-38 градус жылылықты көрсетеді.
Бұған дейін хабарланғанындай, еліміздің кейбір аймақтарындағы ыстық температура салқын ауамен алмасады делінсе, ал солтүстік өңірлерде 2-4 қыркүйекте үсік жүреді деп ескерту жасалған еді. Төменгі ауа температурасы Ақмола, Қарағанды, Қостанай, Павлодар мен Солтүстік Қазақстан облыстарында сақталмақ. Алматы облысында қатты ыстық болады.
