![Фото © РИА Новости](/userdata/news_kk/2014/news_257375/thumb_b/photo_9571.jpg)
Қазақстанның екі азаматы Фархат Әбдірахманов пен Шавкят Зубанов Әзірбайжан Республикасынан елге жеткізілді, - деп хабарлайды Tengrinews.kz тілшісі Қазақстан Бас прокуратурасының баспасөз қызметіне сілтеме жасап.
Қазақстанның екі азаматы Фархат Әбдірахманов пен Шавкят Зубанов Әзірбайжан Республикасынан елге жеткізілді, - деп хабарлайды Tengrinews.kz тілшісі Қазақстан Бас прокуратурасының баспасөз қызметіне сілтеме жасап.
Екеуі де қылмыс жасады деген күдікпен тұтқындалған. Тергеу органдары Әбдірахмановты заңсыз жолмен есірткі заттарды алып, оларды сату мақсатында сақтап, тасымалдағандығы үшін, ал Зубановты қарақшылық шабуыл жасап, "Лексус LX 470" маркалы автокөлікті ұрлағаны үшін айыптауда.
Халықаралық іздеу жарияланған бұл адамдарды Әзірбайжанның құқық қорғау органдары қолға түсірген.
"Осы орайда Қазақстан Республикасы Бас прокуратурасының әзірбайжандық әріптестеріне қолға түскендерді елге қайтару туралы жіберген өтініштері қанағаттандырылды", - делінген Бас прокуратураның хабарламасында. Баспасөз қызметінің мәліметіне қарағанда, экстрадицияланған адамдар Алматы қаласының әуежайында тергеу абақтысы қызметкерлерінің қолына тапсырылған.