![©REUTERS](/userdata/news_kk/2014/news_257579/thumb_b/photo_9849.jpg)
Алматыда Иран киносы апталығы өтеді, - деп хабарлайды Tengrinews.kz тілшісі.
Алматыда Иран киносы апталығы өтеді, - деп хабарлайды Tengrinews.kz тілшісі.
Иран киносы апталығында алматылық көрерменге бес үздік фильм ұсынылады - "Выдача", "Чужие", "Четвертый ребенок", "Синий шелковый путь" және "Только один". Көрсетілімге Ираннан келген кинопродюсерлер қатысады, оның ішінде "Фаджр" халықаралық кинофестивалінің директоры Мохаммед Хазайи, Пежман Лашгарипур және халықаралық кинофестиваль жетекшісі Реза Хазали бар. Олар қазақстандық мамандармен бірігіп жұмыс істеу туралы келіссөздер жүргізуді жоспарлап отыр.
Айта кетейік, Иранда жыл сайын 100-ден аса түрлі жанрдағы фильм шығады. Иран режиссерлерінің туындылары Канн, Берлин, Венеция кинофестивальдерінде бірнеше рет беделді сыйлықтар алған, сонымен бірге "Оскар" сыйлығына үміткерлікке таңдалған. Иранның ең танымал режиссерлерінің бірі Маджид Маджиди өз фильмдерінде рухани байлықтың материалдық байлықтан маңыздырақ екенін көрсетеді. Оның белгілі туындыларының ішінде "Дети небес" және "Цвет рая" сияқты үздік фильмдер бар. Қазірде кинематографист "Плавающие сады" атты жаңа картинаны дайындап жатыр. Оны көрермендер 2015 жылы көре алады.
Иран киносы апталығы 21-25 қазан аралығында өтеді. Фильм көрсетілімдері 19.00-де басталады. Кіру тегін.