![©Ярослав Радловский](/userdata/news_kk/2014/news_257685/thumb_b/photo_10026.jpg)
Атырауда арнайы қабылдағышқа қамалған адам парамен босатылған, - деп хабарлайды "Мой город". Пара сот ғимараты алдында берілген.
Атырауда арнайы қабылдағышқа қамалған адам парамен босатылған, - деп хабарлайды "Мой город". Пара сот ғимараты алдында берілген.
Атырау прокурорлары арнайы қабылдағыштан тұтқындалған азаматтардың бірін таппаған кезде дабыл қағылды. Прокуратураның мәліметінше, тұтқындалғандарды соттың шешімімен әкеліп қамайтын мекемені тексеру кезінде бір адам болмай шықты. Мамандандырылған әкімшілік сот ол адамды бес тәулікке қамау туралы шешім шығарған болатын.
"Қосымша тексеріс кезінде Атырау жедел басқару орталығы кезекшісі көмекшілерінің тұтқындалған адамнан 50 мың теңге көлемінде ақша алғаны және оны сот ғимараты алдында босатып жібергені анықталды", - дейді қала прокурорының орынбасары Владимир Малахов.
Екі көмекшіге қатысты "Пара алу" бабы бойынша қылмыстық іс қозғалып, сотқа жолданды.
Бұған дейін Ақтөбе облысында колонияның экс-бастығының шұғыл бөлім бастығы арқылы 370 мың теңге көлемінде пара алғаны үшін төрт жылға сотталғаны хабарланған еді. Түзеу мекемесінің бұрынғы бастығын қаржы полицейлері 2014 жылдың 13 мамырында ұстады.