![©REUTERS](/userdata/news_kk/2014/news_257812/thumb_b/photo_10182.jpg)
Қазақстанның бес облысында боранға байланысты ескерту жарияланды, - деп хабарлайды Tengrinews.kz тілшісі "Қазгидромет" РМК мамандарына сілтеме жасап.
Қазақстанның бес облысында боранға байланысты ескерту жарияланды, - деп хабарлайды Tengrinews.kz тілшісі "Қазгидромет" РМК мамандарына сілтеме жасап.
"29 қазан күні Қостанай, Сотүстік Қазақстан облыстарында, 29-30 қазан күндері Ақмола, Павлодар облыстарында, 30 қазан күні түнде Қарағанды облысында ауа райы өзгереді. көктайғақ болып, боран соғады, оңтүстік-батыстан секундына 15-20 метрге жететін күшті жел соғады, Ақмола, Павлодар облыстарының кей жерлерінде секундына 30 метрге жететін жел соғады", - делінген таратылған ескертуде.
Синоптиктердің мәліметінше, Астанада 29 қазан күні оңтүстік-батыстан күшті жел соғады, оның екпіні секундына 15-20 метрге жетеді. Күндіз жаяу бұрқасын болады. Қазақстанның оңтүстігінде, Жамбыл облысынан басқа аймақтарда жауын-шашын болмайды. Күн ала бұлтты болып, тұман түседі.
Еске сала кетейік, 27 қазан күні Оңтүстік Қазақстан және Қызылорда облыстарында төтенше ескерту жарияланған еді. Бұл облыстарда толассыз жауын-шашын, көктайғақ пен күшті жел болатыны айтылды. Сонымен бірге, синоптиктер қараша айының басында Қазақстанда күн жылынатынын хабарлады. Олардың мәліметінше, суық антициклон шығысқа қарай ауысады, ал солтүстіктен соққан жел біртіндеп, оңтүстік-батысқа ауысады, елдің оңтүстік бөлігінде қар еріп кетеді.