+7 (777) 001 44 99
Қазақша
Русский
English
Шығыс Қазақстан облысының Ішкі істер департаментіне жаңа басшы келді, - деп хабарлайды Tengrinews.kz ІІМ баспасөз қызметіне сілтеме жасай отырып.
"ҚР Ішкі істер министрінің бұйрығымен Шығыс Қазақстан облысы ІІД-нің басшысы болып полиция полковнигі Жанарбек Бақтыбаев тағайындалды", - делінген баспасөз хабарламасында. Облыстың Ішкі істер департаментінің жаңа басшысын жеке құрамға ҚР Ішкі істер министрінің орынбасары, полиция генерал-майоры Рашид Жақыпов таныстырды.
Бұл тағайындауға дейін Бақтыбаев Қызылорда облыстық Ішкі істер департаментінің басшысы болған. Сондай-ақ Шығыс Қазақстан облысы ІІД басшысының бірінші орынбасары қызметін атқарды. ҚР Ішкі істер министрлігіне қарасты әкімшілік полициясында есірткі бизнесімен күрес, есірткі тасымалдауды бақылау комитеті төрағасының орынбасары болды.
Естеріңізге сала кетейік, сондай-ақ бүгін Қызылорда ІІД-нің басшысы болып Жанат Сүлейменов тағайындалды.
