+7 (777) 001 44 99
Қазақша
Русский
English
Қарағандыда базарда сәбиін 500 теңгеге сатпақ болған әйелге қатысты қылмыстық іс қозғалды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
"Өзінің қызын сатпақ болған әйелге қатысты ҚР ҚК 133-бабының 1-бөлігі - "Кәмелетке толмағандарды саудалау" бойынша қылмыстық іс қозғалды", - делінген таратылған хабарламада. Еске сала кетейік, 3 қараша күні Қарағандыда базарда баласын сатуға әрекеттенген әйел ұсталған болатын.
Полицияға куәгерлер хабарласып, базарда бір әйелдің өз баласын сатып жібергелі жүргенін айтқан еді. Ұсталған кезде әйелдің мас екені белгілі болды. Ол қызын сатпақ болғанын мойындамады. Бірақ ІІД бұл деректі есепке алып, оған қатысты тергеуалды тексеру жүргізді. Нақтыланбаған мәлімет бойынша, 1984 жылы туған келіншек аукцион ұйымдастырып, баласын 500 теңгеге сатып жіберуге келіскен.
