![©Тengrinews.kz](/userdata/news_kk/2014/news_258092/thumb_b/photo_10616.jpg)
Қазақстанның өнеркәсіпшілері Италиямен бірлесіп аяқкиім мен киім-кешек өндіргісі келеді, - деп хабарлайды Tengrinews.kz тілшісі ҚР Жеңіл өнеркәсіп кәсіпорындары қауымдастығының президенті Любовь Худоваға сілтеме жасап.
Қазақстанның өнеркәсіпшілері Италиямен бірлесіп аяқкиім мен киім-кешек өндіргісі келеді, - деп хабарлайды Tengrinews.kz тілшісі ҚР Жеңіл өнеркәсіп кәсіпорындары қауымдастығының президенті Любовь Худоваға сілтеме жасап.
Астанада Қазақстан-Италия бизнес-форумы өтіп жатыр, оны ҚР Премьер-министрі Кәрім Мәсімов ашты. Италиялық делегация құрамында 80 компанияның - агроөнеркәсіп кешені, тоқыма өнеркәсібі мен құрылыс индустриясы кәсіпорындарының өкілі бар. Қазақстаннан ұлттық компаниялардың 200-ге жуық өкілі қатысып жатыр.
"Ынтымақтастықтың бірнеше нұсқасы бар - fashion-индустриядағы жобалар, бұл - дизайнерлерді, құрастырушыларды, технологтерді оқыту. Қазір біздің нарыққа қытай мен түрік өнімдері келіп жатыр. Біз италиялық әріптестеріміздің көмегімен модельерлерімізді оқытып алғымыз келеді. Біз жобамызды өз министрлігіміз бен елшілігімізге ұсындық. Сондай-ақ аяқкиім өндіру, тері-галантерея өнімі бойынша бірлескен кәсіпорындар құру жөнінде ұсыныстар бар. Бізде, айталық, әйелдер шұлығын өндіру жөніндегі бір компания итальян жабдығымен жарақтандырылған", - деді Худова бизнес-форумның үзілісінде Tengrinews.kz-тің сұрағына.
"Бүгінде Қазақстан теріні өңделмеген күйде экспорттайды да, дайын өнімді алады. Біз осыны қайта бағдарлауды қаладық, енді шикізатты емес, дайын өнімді экспорттауды қалаймыз. Сондықтан аяқкиім, киім-кешек, трикотаж кенебін өндіру жөнінде бірлескен кәсіпорындар құрғымыз келеді. Бізде итальян жабдығы қойылған кәсіпорын бар, бірақ италиялық сарапшылардың кеңесі мен ноу-хау керек. Мысалға, Zara - әрине, біздің халықаралық сауда желісіне кіру арманымыз, ол коллекцияларды өзімізде тіккіміз келеді. Бізде нақты артықшылықтар да бар - кадрлық әлеует, тігін фабрикаларының жақсы жарақтандырылуы", - деді Худова.
Ал Италия экономикалық даму вице-министрі Карло Календа Италияның бірлескен кәсіпорындарды үнемі инвестициялайтынын айтты. "Сән саласына келсек. Біз бірлескен кәсіпорындар құруды үнемі инвестициялаймыз, олар - орташа кәсіпорындар. Сондықтан сән саласындағы кәсіпорындарымыз шетелге шыққан кезде жергілікті өндірушілерді тауып, олармен ынтымақтастық жөнінде уағдаласып жатады", - деді ол.