![](/userdata/news_kk/2014/news_258197/thumb_b/photo_10774.jpg)
Алматыдан оңтүстікке қарай 106 шақырым қашықтықта 5,6 магнитудалы жер сілкінісі болды, - деп хабарлайды Tengrinews.kz тілшісі Еуропа - Жерорта теңізі сейсмология орталығына сілтеме жасап.
Алматыдан оңтүстікке қарай 106 шақырым қашықтықта 5,6 магнитудалы жер сілкінісі болды, - деп хабарлайды Tengrinews.kz тілшісі Еуропа - Жерорта теңізі сейсмология орталығына сілтеме жасап.
Орталықтың мәліметінше, жер сілкінісі 14 қараша күні Астана уақыты бойынша сағат 07.24-те тіркелді. Оның эпицентрі Қырғызстан аумағында - Шолпан Ата қаласынан оңтүстік-шығысқа қарай 40 шақырымда анықталды. Тереңдігі - 47 шақырым.
Ал ҚР БҒМ Ғылым комитеті Сейсмологиялық тәжірибе-әдістемелік экспедициясының сайты Алматыдан оңтүстікке қарай 130 шақырымда 6,0 магнитудалы жер сілкінісі болды деп хабарлайды. Алматыда жерасты дүмпулері 3-4 балл түрінде сезілді.
Еске сала кетейік, 8 қараша күні Қазақстан мен Қытайдың шекарасында 4,7 магнитудалы жер сілкінісі болды. Оның эпицентрі Алматыдан оңтүстік-шығысқа қарай 275 шақырымда орналасқан. 9 қараша күні Қазақстан мен Қытай шекарасында тағы бір жер сілкінісі тіркелді, магнитудасы - 4,4. Жерасты дүмпулерінің эпицентрі Алматыдан солтүстік-шығысқа қарай 501 шақырымда Қытай аумағынан анықталды.