+7 (777) 001 44 99
Қазақша
Русский
English
YouTube видеохостингінде Шешенстан президенті Рамзан Қадыровтың желтоқсанның 4-і күні Грозныйға шабылдаған ланкестің бірімен телефон арқылы сөйлесіп тұрғанын айғақтайтын видео жарияланды.
Шешен тілінде өткен әңгіме барысында Қадыров қарсыласына Қасиетті Құранда жазылған сөйлемдерді дұрыс түсінбегендігіне көз жеткізуге тырысқан. Шешенстан басшысы әлгі діни фанатқа "кәпірлермен" соғысқаннан гөрі, керісінше "жақындарға қамқор болу, Жиһаттың ең үлкені осы", - деді.
Әңгіме барысында Қадыров қарсыласынан Құрандағы кейбір аяттарды түсіндіріп беруге өтініш білдіріп, бүлікшілер әрекеті толықтай дұрыс деп табылса, онда ол қарсы жақтың барлық талаптарын орындауға дайын екенін жеткізген.
Рамзан Қадыров жұма күні бүлікшілердің көзін жоюға бағытталған арнайы операция кезінде өзінің жақын туыс бауыры 22 жастағы Умар Қадыровтың қаза тапқанын айтқан болатын. Ол сондай-ақ, бүлік шығарып, кісі өлтірген қарақшылардың есімдері анықталатын болса, онда олардың отбасы мүшелері де ел аумағынан қуылатынын айтқан болатын.
Одан бөлек Рамзаен Қадыров шешенстандық күш құрылымдарына елге шабуыл жасаған терроршыларды ашық түрде қолдаған украиндық үш депутатты қолға түсіріп, Шешенстанға алып келуге тапсырма берген.
