![©Ярослав Радловский](/userdata/news_kk/2015/news_259237/thumb_b/photo_12398.jpg)
Қазақстанда 1 қаңтардан бастап зейнетақы мен әлеуметтік жәрдемақылардың көлемі өсті, - деп хабарлайды 24.kz телеарнасы.
Қазақстанда 1 қаңтардан бастап зейнетақы мен әлеуметтік жәрдемақылардың көлемі өсті, - деп хабарлайды 24.kz телеарнасы.
Айлық есептік көрсеткіші биыл - 1982 теңге, ал ең төменгі зейнетақы мөлшері - 23 692 теңге, орташа мөлшері - 11 182 теңге, ең төменгі күнкөріс деңгейі - 21 364 теңге. Зейнетақы төлемдері 9 пайызға, мемлекеттік әлеуметтік жәрдемақы 7 пайызға өсті. Бұл жәрдемақыны елімізде 670 мың адам алады, оның ішінде мүгедектер, асыраушысынан айырылған отбасылар, және жасы жетіп зейнетке шыққандар. Мүдегектік бойынша мемлекеттік әлеуметтік жәрдемақы - 20 829 теңге, асыраушысынан айырылған отбасыларға берілетін жәрдемақы сомасы - 19 069 теңге, ал жасы жетіп зейнетке шыққандар 10 383 теңге алатын болды.
Еске сала кетейік, бұған дейін жаңа жылдан бастап Қазақстанда зейнетақының 9 пайызға өсетіні хабарланған болатын. Бұл жайлы Үкіметтің "2015 жылдың 1 қаңтарынан бастап өкілетті ұйымнан берілетін зейнетақы төлемдерінің мөлшерін арттыру туралы" қаулысында айтылды.