Маңғыстау облысынан Үндістан азаматының өлі денесі табылды, - деп хабарлайды Lada.kz облыстың құқық қорғау органдарына сілтеме жасап.
Бейнеу ауылынан 54 жастағы ер адамның денесі Жаңа жылдың алдында табылған, мәйітте зорлау белгілері жоқ. Бұл факт бойынша сот-медициналық сараптама тағайындалып, тексеру жұмыстары жүріп жатыр. Тергеу амалдары да басталды.
Еске сала кетейік, 2014 жылғы желтоқсанның аяғында Ақтау - Ақшұқыр тас жолында Peugeot автокөлігінен Люксембург азаматының өлі денесі табылған еді. Полиция сот-медициналық сараптама тағайындады.
Кейін Маңғыстау облыстық ішкі істер департаменті 39 жастағы азамат суық тигеннен қайтыс болды, деп мәлімдеді. Сонымен қатар, қаза болған шетел азаматының саяхатшы болғаны анықталды. "Бұл - алдын ала мәлімет қана. Қазіргі таңда тергеу жұмыстары жүріп жатыр, саяхатшының өліміне қатысты нақты деректер тергеу аяқталған соң белгілі болады", - деді баспасөз қызметінің жетекшісі Әлия Шермағамбетова.
