![](/img/stub-tengrinews.png)
Қазақстанда 2016 жылғы 1 қаңтардан бастап Дәрілік заттардың тиісті фармацевтикалық тәжірибесі (GMP) стандарттарына сәйкес дәрі-дәрмектің жалпы нарығы қалыптасады. Бұл 2014 жылғы мамыр айында мемлекет басшылары қол қойған Еуразиялық экономикалық одақ туралы келісімшартта айқындалған, - деп хабарлайды Тengrinews.kz тілшісі ҚР Денсаулық сақтау және әлеуметтік даму министрлігінің баспасөз қызметіне сілтеме жасап.
Қазақстанда 2016 жылғы 1 қаңтардан бастап Дәрілік заттардың тиісті фармацевтикалық тәжірибесі (GMP) стандарттарына сәйкес дәрі-дәрмектің жалпы нарығы қалыптасады. Бұл 2014 жылғы мамыр айында мемлекет басшылары қол қойған Еуразиялық экономикалық одақ туралы келісімшартта айқындалған, - деп хабарлайды Тengrinews.kz тілшісі ҚР Денсаулық сақтау және әлеуметтік даму министрлігінің баспасөз қызметіне сілтеме жасап.
Министрліктің мәліметінше, осы мерзімге дейін ЕАЭО аумағындағы дәрілік құралдар айналымына қойылатын бірегей талаптар және ортақ шарттар жасалады. Ол үшін нормативтік-құқықтық актілер, оның ішінде еуропалық талаптарға үйлестірілген тиісті фармацевтикалық тәжірибе ережелері әзірленіп, қабылдануы тиіс.
Еске сала кетейік, 2014 жылы жаңа тетіктер бойынша отандық тауар өндірушілердің медициналық препараттарды жеткізуі жөнінде ұзақмерзімді келісімшарттар жасауға байқау өткізіліп, нәтижесінде 13 жаңа ұзақ мерзімді келісімшартқа қол қойылған болатын. Бұған дейін 471 түрлі дәрілік құралды жеткізу жөнінде ұзақмерзімді 7 келісімшарт болғанын ескерсек, жалпы алғанда 18 отандық тауар өндірушімен арада 7 жыл мерзімге жасалған 20 келісімшарт жұмыс істейді.
Тұрғындарды қауіпсіз және сапалы медициналық препараттармен қамтамасыз ету және еуропалық талаптарға сәйкестендіру мақсатында 2014 жылғы 17 наурыздан бастап GMP жағдайында өндірілмеген шетелдік дәрілік құралдарды мемлекеттік тіркеуге тыйым салынған болатын. Бұл норма отандық дәрілік құралдарды өндірушілерге қатысты 2018 жылғы 7 қаңтардан бастап күшіне енеді.