Павлодарда төрт адамнан тұратын қарулы топ бір әйелге қарақшылық шабуыл жасады, - деп хабарлайды Тengrinews.kz тілшісі облыстық ІІД баспасөз қызметіне сілтеме жасап.
Полицейлер ауыр қылмыс жасады деген күдікпен облыс орталығының 56, 42, 38 және 32 жастағы төрт тұрғынын ұстады. Тәртіп сақшыларының мәліметінше, олар бір әйелге қарақшылық шабуыл жасап, оның ақшасы мен зергерлік бұйымдарын тартып алып кеткен. Келтірілген шығының жалпы сомасы - 300 мың теңге.
"Тінту іс-шараларын жүргізу кезінде ұсталғандардан 2 шолақ аңщылық қаруы, үш бетперде және оқтар тәркіленді. Осы дерек бойынша ҚР ҚК 192-бабының 2-тармағына сәйкес сотқа дейінгі тергеуге жүргізіліп жатыр", - деп хабарлайды облыстық ІІД баспасөз қызметі.
Күдіктілер қамауға алынды. Олардың басқа қылмыстарға қатысы бар-жоғы тексеріліп жатыр.
