+7 (777) 001 44 99
Қазақша
Русский
English
Муз-ТВ телеарнасының бас директоры Арман Дәулетияров қазақстандық әнші Қайрат Нұртаспен бірге ән жазды, - деп хабарлайды Tengrinews.kz тілшісі.
"Ертең "Қазақстан" телеарнасында Қайрат Нұртас пен Арман Дәулетияровтың дуэті жазылған бағдарламаның түсірілімі болады. Әнді кеше ғана 8 наурызға арнап жаздым", - деді Дәулетияров Муз-ТВ жүлдесіне қатысты Астанада өткен баспасөз мәслихатында.
Оның мәліметінше, Муз-ТВ жүлдесі 5 маусым күні Астанада өтеді. "Қазақстанның үздік әртісі" номинациясы арнайы бекітілді, сарапшылар әртістердің бестігін анықтап, қазақстандықтар оларға дауыс береді.
Сонымен қатар, музыкалық телеарнаның бас директоры әртістердің қызыл кілем үстімен қазақтың ұлттық әуені шырқалып тұрған кезде жүріп өтетінін айтты. Марапатты Лера Кудрявцева, Максим Галкин мен Ксения Собчак жүргізеді. Төртінші жүргізушінің есімі әзірше жарияланған жоқ.
Ұйымдастырушылардың мәліметінше, жүлденің алдында болатын концерттер тегін. Ал Муз-ТВ жүлдесінің билет құны мың теңге және бес мың теңгеге аралығында болады.
