+7 (777) 001 44 99
Қазақша
Русский
English
Қырғыз Республикасында Қазақстанның қарулы азаматы ұсталды, - деп хабарлайды Tengrinews.kz тілшісі. Бұл туралы Қырғызстанның Мемлекеттік шекара қызметінің БАҚ және қоғаммен байланыс бөлімі хабарлады.
Шекара қызметінің мәліметінше, 19 ақпанда "Ақ-жол автожолы" бақылау-өткізу бекетінде травматикалық тапаншасы бар Қазақстан азаматы ұсталды. Ол Қазақстаннан Қырғызстан аумағына өтпекші болған.
"Ұсталған азаматқа тиесілі Lexus GS-300 автокөлігін тексеру барысында "Ақ-жол автожолы" бекетінің шекарашылары көліктен “Лидер” тапаншасы мен жеті оқты тауып, тәркіледі. Қазақстан азаматының қаруды қолдануға рұқсат берген құжаттарының мерзімі өтіп кеткені анықталды", - делінген хабарламада.
Айта кетейік, Қазақстан азаматына қатысты тиісті құжаттар толтырылғаннан кейін ол Мемлекеттік ұлттық қауіпсіздік комитетінің Шу облыстық басқармасының қызметкерлеріне тапсырылды.
