Талдықорғандағы мектептердің бірінің оқушысы Әділ Мақсұтов Интернеттегі роликтің арқасында Бірінші арнаның "Пусть говорят" шоуына қатысты, - деп хабарлайды Tengrinews.kz.
Роликтен Әділдің ән айтайын деп сахнада тұрған кезінде қатты жел соғып, оның жерде жатқан кілемге оралып қалғанын көруге болады. Оның анасы Әлияның айтуынша, оқиға 2014 жылы 1 маусым - Балаларды қорғау күнінде болған. Әділ сахнада көрсетіп үлгермеген өнерін "Пусть говорят" шоуында паш етті, Андрей Малахов әнді ток-шоу студиясында орындау туралы балаға ұсыныс жасады.
