22 сәуір 2015 | 09:06

Шымкентте ер адам бір әйелдің ішек-қарынын жұлып алды

Шымкентте 54 жастағы ер адам бір әйелдің ішек-қарынын жұлып алды, - деп хабарлайды "Отырар".

Қылмыстық істер жөніндегі мамандандырылған ауданаралық сотының судьясы Сәмидин Теміралиевтің айтуынша, кісі өлтірген ер адам мен оның көңілдесі жалдап жатқан бөлмеде екіжақты келісіммен жыныстық қатынасқа түспек болған. "Бірақ ер адам ойлағанын іске асыра алмады. Сол кезде әйел оны белсіз деп атады. Бұған жауап ретінде ер адам оның жыныс мүшесінен әйелдің ішегін жұлып алып, кетіп қалады", - деді судья.

Әйел бірнеше сағат тірі болды, бірақ жедел жәрдем де шақыра алмады, пәтерден де шыға алмады. Ол оқиға орнында қаза тапты.

Сот кісі өлтірген ер адамды тоғыз жылға бас бостандығынан айырды. Үкім апелляциялық алқаның шешімімен өзгеріссіз қалды.

Еске салайық, осыған дейін Павлодардың мамандандырылған ауданаралық қылмыстық соты 42 жастағы тұрғынды өзінің азаматтық некедегі әйелін өлтіргені үшін 12 жылға бас бостандығынан айырған болатын. Сот отырысында айыпталушы өз кінәсін толықтай мойындап, 39 жастағы әйелін қызғаныштан өлтіргенін айтты. Бұдан кейін ол денесін майдалан турап, Павлодардағы көпірлердің бірінің астына тастаған. Осы кезге дейін мәйіттің бөлшектері табылмай келеді.

Құқық қорғау органдары Шымкент Сот төрелігі Оңтүстік Қазақстан облысы Кісі өлтіру