30 сәуір 2015 | 09:49

Алматыда 2 мамыр күні түнде велосипедшілер жарысады

2015 жылдың 2 мамырында Алматыда Қазақстан халықтарының Бірлігі күніне арналған VII маусымның алғашқы түнгі велошеруі өтеді, - деп хабарлайды Tengrinews.kz тілшісі Алматы қаласы әкімінің баспасөз қызметіне сілтеме жасап.

2015 жылдың 2 мамырында Алматыда Қазақстан халықтарының Бірлігі күніне арналған VII маусымның алғашқы түнгі велошеруі өтеді, - деп хабарлайды Tengrinews.kz тілшісі Алматы қаласы әкімінің баспасөз қызметіне сілтеме жасап.

Баспасөз қызметінің мәліметінше, ұзындығы 9 шақырым болатын веложарыс Желтоқсан көшесінен әл-Фараби даңғылына дейін барып, Бірінші Президент саябағында мәреге жетеді. Жарысқа қатысушылар Сәтпаев пен Желтоқсан көшелерінің қиылысындағы Республика алаңында сағат 20.00-де жиналулары тиіс, велошеру сағат 20.30-да басталады. Веложарысқа қатысушылар өз велосипедтерін жарық көздерімен барынша көп безендірулеріне болады.

"Аталған шараға қатысты Республика алаңынан (Сәтпаев пен Желтоқсан көшелерінің қиылысы) Бірінші Президент саябағына (әл-Фараби даңғылы мен Мұстафин көшесі) дейінгі аралықтағы көлік қозғалысының бір бөлігі шектеледі. Сондықтан қалалықтарды жүретін бағыттарын алдын-ала анықтап алуды өтінеміз", - делінген әкімдіктің хабарламасында.

Айта кетейік, Алматыда велошерулер 2009 жылдан бастап өтіп келеді. 2014 жылы 14 веложарыс өтті, оның екеуі түнде болды. Биыл алғашқы веложарыс 12 сәуірде өтті.

Мереке Алматы