Алматы әкімдігінде бірқатар кадрлық тағайындаулар болды, - деп хабарлайды Tengrinews.kz тілшісі қала әкімінің баспасөз қызметіне сілтеме жасап.
Баспасөз қызметінің мәліметінше, қала әкімінің өкімімен Дін істері жөніндегі басқарма басшысының міндетін атқарушы болып Шегебек Қауымбаев тағайындалды. Бұрын Қауымбаев Алматы қаласы Ішкі саясат басқармасының Алмалы ауданы бойынша аумақтық бөлімін басқарған болатын.
Сонымен қатар, Мәдениет басқармасы басшысының міндетін атқарушы болып Маркен Ахметов тағайындалды, ол Ерболат Әуезовты алмастырды. Бұған дейін Ахметов Алматы қаласы Жастар саясаты басқармасының басшысы қызметін атқарған.
