Шығыс Қазақстанда бір үйдің төрт баласы дәріден уланып қалды, - деп хабарлайды YK-news.kz ШҚО мобильдік дайындық басқармасына сілтеме жасап.
Оқиға кеше, 8 маусымда болған. Кешкі сағат 20.00 шамасында Беген ауылынан аудандық ауруханаға төрт бала жеткізілді, төртеуі бір үйдің балалары. Олар 4-7 жас аралығындағы бүлдіршіндер.
"Балалар белгісіз дәрі-дәрмектен уланып қалған. Олар асқазандарын тазартқаннан кейін Семейдегі балалар ауруханасына жеткізілді. Мамандар балалардың қандай дәрі-дәрмек қабылдағандарын әзірше анықтай алмай отыр. Полицейлер тексеру жүргізіп жатыр", - делінген жарияланымда.
