+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда жалған ақша тарады, - деп хабарлайды Tengrinews.kz тілшісі Алматы облыстық мемлекеттік кіріс департаментінің экономикалық тергеу қызметіне сілтеме жасап.
Алматыда жалған ақша тарады, - деп хабарлайды Tengrinews.kz тілшісі Алматы облыстық мемлекеттік кіріс департаментінің экономикалық тергеу қызметіне сілтеме жасап.
Департаменттің мәліметінше, Алматы облысында жалған ақша жасаумен айналысқан Қазақстан Республикасының 1994 жылғы азаматы, Өзбекстанның 1992 және 1994 жылғы азаматтары ұсталды. Олар соңғы 3 айда Алматы қаласы мен Алматы облысының аумағында 2000 теңгелік ақшаны қолдан жасап, өткізіп, сақтап келген.
"Ұсталған азаматтардың тұрғылықты жерін тексеру барысында жалпы сомасы 450 мың теңге, яғни 2000 теңгелік 225 купюра, А4 форматындағы 11 қағаз бен түрлі түсті етіп басып шығаратын HP мен Canon маркалы екі принтер тәркіленді. Күдіктілер қамауға алынып, тиісті сараптамалар тағайындалды", - деп хабарлайды департаменттегілер.
Айта кетейік, енді мамандар жалған ақшалардың номерлері арқылы қолдан-қолға өткен жалған ақшаның қалғанын анықтайды. Тәжірибе бойынша, жалған ақша ұсақ сауда орындарына өткізіледі, мысалы дүкендерде, базарларда және жанармай құю бекеттерінде. Көбінесе қолдан 2000, 5000 және 10 000 теңгеліктер жасалады.
