"Эйр Астана" елордадан Таразға дейінгі тікелей рейс ашты, - деп хабарлайды Tengrinews.kz тілшісі акционерлік қоғамның корпоративтік байланыс департаментіне сілтеме жасап. Астана-Тараз рейсі 1 шілдеден бастап іске қосылды.
Департаменттің мәліметінше, рейс аптасына 4 рет Эмбраер Е-190 ұшағымен орындалады: дүйсенбі, сәрсенбі, бейсенбі және сенбі күндері. Ұшу кестесі мынадай:
КС339 рейсі Астанадан 13.55-те ұшып шығып, Таразға 15.55-те жетеді (дүйсенбі, сәрсенбі);
КС340 рейсі Тараздан 16.55-те ұшып шығып, Астанаға 18.40-та жетеді (дүйсенбі, сәрсенбі);
КС339 рейсі Астанадан 10.10-да ұшып шығып, Таразға 12.10-да жетеді (бейсенбі);
КС340 рейсі Тараздан 13.10-да ұшып шығып, Астанаға 14.55-те жетеді (бейсенбі);
КС339 рейсі Астандан 13.10-да ұшып шығып, Таразға 15.10-да жетеді (сенбі);
КС340 рейсі Тараздан 16.10-да ұшып шығып, Астанаға 17.55-те жетеді (сенбі).
Айта кетейік, эконом-класстағы ұшақ билеттерінің минималды құны, барып-қайтуды және қызметтіктен өзге барлық алымды қоса есептегенде - 29 739 теңге, ал бизнес-класс - 103 839 теңге.
