+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстан Парламентінің мәжілісіндегілер "Қазақстан Республикасының "Жол қозғалысы туралы" заңына өзгерістер енгізу туралы" жаңа заң жобасын әзірлеп жатыр. Осының аясында елді мекендерде күндізгі уақытта жүргізушілерге жарықты қоспай жүруге рұқсат беру ұсынылды, - деп хабарлайды Tengrinews.kz тілшісі.
Қазақстан Парламентінің мәжілісіндегілер "Қазақстан Республикасының "Жол қозғалысы туралы" заңына өзгерістер енгізу туралы" жаңа заң жобасын әзірлеп жатыр. Осының аясында елді мекендерде күндізгі уақытта жүргізушілерге жарықты қоспай жүруге рұқсат беру ұсынылды, - деп хабарлайды Tengrinews.kz тілшісі.
Осы заңға сәйкес күн мезгіліне қарамастан, барлық көліктер жақын қашықтық шамын жағып жүруі немесе жүріс жарығы шамымен жүруі тиіс. Депутат Төлеген Ибраев бұл норманы өзгертіп, көліктерге шамды күндізгі уақытта тек халықаралық автожолдарда міндетті түрде жағып жүруді қалдыру керектігін айтты.
"Ауылдық жерлерде шам жағып жүру бізге пайда әкелмейді, қауіпсіздікті қамтамасыз етпейді. (...) Қазақстанда жүрген автокөліктердің сипаттамасына сай электр құрылғыларын қыздырып алу өте қауіпті. Мен жүргізушілермен сөйлестім, олар бұл норманы қолдап қана қоймайды, сонымен қатар, мұның өте қажет екендігін айтады", - деді депутат.
Сонымен қатар, полицейлер автомобильдерді тоқтатқан кезде жүргізушіге немесе жолаушыға көлік салонынан өздігінен шығуға "егер олардың тарапынан дөрекі әрекет болмаса, іздеуде жүрген адамдарға ұқсамаса, есірткі немесе ішімдік ішті деген күдік туындамаса немесе полицейлер тарапынан құқыққа қайшы әрекет, бопсалау болса" рұқсат беру керек.
2014 жылы күшіне енген бұл заңда көліктен полиция қызметкерлерінің рұқсатынсыз шығуға тыйым салатын норма бар.
Еске сала кетейік, "Қазақстан Республикасының "Жол қозғалысы туралы" заңына өзгерістер енгізу туралы" заң жобасы аясында балаларды велосипедпен тасымалдауды заңдастыру қарастырылған болатын. Сонымен қатар, 14 жасқа дейінгі балаларға велосипедпен тек арнайы жолмен, өткелмен немесе тротуармен ғана жүру рұқсат етілген болатын. Заң жобасымен айналысушылар трамвайлар паркіне жүргізушілерді үш жыл еңбек өтілі бар және оларды 21 жастан бастап алуға рұқсат етуді, полицейлердің қоғамдық көлікті тоқтатқан кезде жолаушыларға көліктен түсуге рұқсат беруді қарастырып жатыр.
