+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстан Президенті Нұрсұлтан Назарбаев Ресей Федерациясының Президенті Владимир Путинмен кездесті, - деп хабарлайды Tengrinews.kz тілшісі Ақордаға сілтеме жасап.
Қазақстан Президенті Нұрсұлтан Назарбаев Ресей Федерациясының Президенті Владимир Путинмен кездесті, - деп хабарлайды Tengrinews.kz тілшісі Ақордаға сілтеме жасап.
Баспасөз хабарламасында Нұрсұлтан Назарбаев пен Владимир Путиннің екіжақты өзара ықпалдастықтың кең ауқымды мәселелерін қарастырғаны айтылған. Сонымен қатар, екі мемлекеттің көшбасшылары өңірлік және халықаралық күн тәртібіндегі бірқатар өзекті мәселелерді талқылады.
Кездесу барысында Владимир Путин Нұрсұлтан Назарбаевқа көпжоспарлы Қазақстан-Ресей ынтымақтастығын дамытуға сіңірген еңбегі, сондай-ақ интеграциялық үдерістерді ілгерілету бағытындағы екіжақты өзара ықпалдастыққа қосқан белсенді үлесі үшін Александр Невский орденін тапсырды. "Бүкіл еліміз Сізге зор құрметпен қарайды. Біздің халықтарымыздың алдындағы Сіздің еңбегіңіздің және интеграциялық үдерістер мәселесі бойынша Сіз көтерген, бүгінде аяғына жеткен бастамалардың белгісі ретінде Сізге осы награданы тапсыруға рұқсат етіңіз", - деді Ресей Президенті.
Мемлекет басшысы өз кезегінде Владимир Путинге еңбегін жоғары бағалағаны үшін алғыс айтты. "Көрсетілген ықылас үшін бүкіл Ресей халқына, бұқаралық ақпарат құралдарына рахмет айтқым келеді. Біздің жасап жатқанымыздың барлығы барша Қазақстан мен Ресей халқы үшін жасалуда. Бүгін - тарихи күн, өйткені әр құрлықтан келген түрлі елдердің көшбасшылары кездесіп отыр. Бұрынырақта мен түптің түбінде барлық ұйымдар болашағы зор ортақ бір интеграциялық бірлестікке бірігетінін айтқан едім", - деді Қазақстан Президенті.
Айта кетейік, Александр Невский орденімен Ресей Федерациясымен арадағы көпжақты ынтымақтастықты дамытуға қосқан еңбегі үшін көрнекті шетелдік саяси және қоғам қайраткерлері, шет мемлекеттердің іскерлік қоғамдастығының өкілдері марапатталады.
Еске сала кетейік, Қазақстан Республикасының Президенті Нұрсұлтан Назарбаев Уфа қаласына ШЫҰ-ға мүше мемлекеттер басшылары кеңесінің отырысына қатысуға барған еді. Сонымен қатар, ҚР Президенті Башқұртстан Республикасына БРИКС ұйымы лидерлерінің кездесуі аясындағы іс-шараларға қатысып жатыр.
